«Астана» - «Челси» матчына билеттер қашан сатылымға шығатыны белгілі болды
11.11.2024, 21:41
Елордалық клубтың баспасөз қызметі осыған қатысты мәлімдеме жасады.
arena.olimpbet.kz
Конференция лигасы аясында өтетін «Астана» – «Челси» матчына билеттер келесі аптадан бастап сатыла бастайды. Бұл туралы елордалық клубтың баспасөз қызметі хабарлады.
«Қарашаның 14-і «Астана» – «Витория»(Гимарайнш) матчына (28 қараша) билеттер сатылымға шығады. Араға бір апта салып 12 желтоқсанда өтетін «Астана» – «Челси» матчына билеттер сатыла бастайды.
Клуб басшылығы қала әкімдігімен және стадион әкімшілігімен бірлесіп, көрермендердің стадионда қауіпсіздігін, тәртібін және жайлы жағдайда ойын тамашалауын қамтамасыз ету бойынша жұмыс жасау үстінде. Қосымша ыстық сусындар мен тағамдарды сату нүктелері ашылады!», - делінген хабарламада.