"Олд Траффордта" тышқан қаптады

"Манчестер Юнайтед" клубының стадионы "Олд Траффордта" тышқан қаптап кетен. 

Daily Mail-дің хабарлауынша, жуырда тазалық инспекторлары жүргізген тексеріс барысында стадионда тышқандардың бары анықталған. Осыған байланысты аталған аренаның тамақтану орны ретіндегі рейтингі екіге дейін (5 баллдық көрсеткіш бойынша) төмендетілген. 

Осыдан кейін клуб басшылығы зиянкестермен күрес қызметтерімен, жергілікті билікпен етене жұмыс істей бастаған. Стадион рейтингін тез арада қайтадан 5 жұлдызға жеткізу үшін бірқатар шара қабылдаған.

Айта кетейік, "Олд Траффорд" стадионы 1910 жылы салынған. Ол канал мен теміржол арасында орналасқан.