Футболдан ұлттық құрамаға ресейлік бапкер тағайындалды
Қазақстан ұлттық құрамасының бапкерлер штабына "Қызылжардың" экс-спорт директоры мен ресейлік жаттықтырушы Максим Зуев кірді.
35 жастағы Зуев – Воронеж футболының тәрбиеленушісі саналады. Бұған дейін Воронеждің "Локомотив" АФ, Ахтубинскінің "Искра", Воронеждің" Футбол академиясы" және "Факел", сонымен бірге Долгопрудныйдың "Олимп" командаларында еңбек етті. Зуев биыл қаңтар айынан бастап "Сочи" футбол клубы академиясының физикалық дайындық бағытын басқарады.
2021 жылдан бері Ресей жасөспірімдер құрамаларының физикалық дайындық жөніндегі бапкері қызметін атқарып, Ресей футбол одағының кешенді ғылыми тобының құрамына мүше. Ол "B-UEFA" және "Физикалық дайындық бапкері" лицензияларына ие.
Айта кетейік, бас бапкердің міндетін атқарушы Әли Әлиевтің штабына Нұрбол Жұмасқалиев, Олег Воскобойников, Елдос Ахметов және Магомед Нозадзе кірді.