Дастан Сәтпаев "Челсиден" басқа клубқа барады
16.02.2025, 17:17
Ағылшындық "Челси" жуырда қатарға қосқан қазақстандық шабуылшы Дастан Сәтпаевты жалға беруі мүмкін.
liter.kz
Бұл туралы "Қайрат" клубындағы белгісіз дереккөз хабарлады. Оның айтуынша, екі түрлі нұсқа қарастырылған.
"Ойыншы не Лондонда резервті команда сапында өнер көрсетеді, не болмаса "Челси" иелеріне тиесілі "Страсбургға" жалға беріледі. Оның болашағы ойын деңгейіне байланысты", – делінген ақпаратта.
Сәтпаевтың "Челсиге" ауысқанын ресми түрде тек Қазақстан чемпионы растады. Transfermarkt.com мәліметінше, ойыншының трансферлік құны 2,4 миллион еуроға тең болған.
Бұған дейін қазақстандық жас таланттың "Челси" сапында қанша табыс табатыны белгілі болған еді.