Қазақ қызына үйленген канадалық хоккейші Минск пен Астана туралы айтты (ВИДЕО)
Канадалық хоккейші Даррен Диц жуырда Минскінің "Динамо" клубымен келісімшартқа қол қойып, жаңа командасы туралы алғашқы пікірін білдірді. Спортшының сөзінше Минск пен клуб оған оң әсер қалдырған.
“Минск — таза әрі жасыл қала, адамдар өте мейірімді”
“Сәлем! Мен Даррен Диц — “Динамоның” жаңа қорғаушысымын. Эмоциялар керемет. Минск бізге қатты ұнады — қала таза, жасыл, ал тұрғындары өте жақсы қарсы алды. Біз бұл жерден үлкен қуаныш алдық”, — деді Диц орысша сөйлеген видеосында.
Дайындық Астанада өтті
Хоккейшінің айтуынша, маусым алдындағы дайындықты Астанада өткізген:
“Мен Астанада үйде жаттығып, маусымға тыңғылықты дайындалдым. Командаға қосылғаныма қуаныштымын. Мұнда мықты әрі ұйымшыл ұжым жиналғаны бірден байқалады. Ұжым өте жақсы, нағыз кәсіпқой мамандар жұмыс істеп жатыр”.
“Біз жанкүйерлерге эмоция сыйлай аламыз”
Даррен Диц “Динамода” барлық жағдай жасалғанын және команда алдағы уақытта жанкүйерлерді қуантуға дайын екенін атап өтті:
“Мұнда бәрі жоғары деңгейде ұйымдастырылған. Бізде жанкүйерлерге керемет ойын көрсетіп, шынайы эмоция сыйлауға барлық мүмкіндік бар. Осында болғаныма қуаныштымын”.