Елдос Сметов Олимпиададағы алтын үшін уәде етілген сыйақыны әлі алған жоқ

Бұл туралы ұлттық құраманың бір мүшесі жасырын түрде мәлімдеді, деп хабарлайды Telegram-арнасы “Дядя Ваня”. 2024 жылғы Олимпиадада жүлде алған спортшыларға келесі көлемде сыйақы уәде етілген:

• Алтын медаль – 250 мың доллар
• Күміс медаль – 150 мың доллар
• Қола медаль – 75 мың доллар
• 4-орын – 30 мың доллар
• 5-орын – 10 мың доллар
• 6-орын – 5 мың доллар

“Бүгінгі күнге дейін бірде-бір Олимпиада қатысушысы ешқандай төлем алған жоқ. Тіпті сыйақының нақты қашан берілетіні де айтылмады. Ұлттық спорт федерациялары үнсіз. Бар айтатыны — “ақша жоқ, бірақ шыдаңыздар”, – дейді жасырын спортшы.

Олимпиада қорытындысы бойынша, Қазақстан спортшылары мен олардың бапкерлеріне 2,192 миллион доллар (шамамен 1,3 миллиард теңге) көлемінде сыйақы төленуі тиіс болған. Бұл соманың жартысы – спортшыларға, жартысы – жаттықтырушыларға қарастырылған.

Алтын жүлде иегері:

• Елдос Сметов (дзюдо) – 250 000 доллар

Күміс жүлдегерлер:

• Нариман Құрбанов (гимнастика)
• Демеу Жадраев (грек-рим күресі)
• Нұрбек Оралбай (бокс) — әрқайсысы 150 000 доллар

Қола жүлдегерлер:

• Александра Ле (пневматикалық атудан)
• Ислам Сәтпаев (пневматикалық атудан)
• Ғұсман Қырғызбаев (дзюдо)
• Назым Қызайбай (бокс) — әрқайсысы 75 000 доллар

4-орын алғандар (30 000 доллар):

• Мұхамедсабыр Базарбайұлы, Айбек Оралбай, Сәкен Бибосынов (бокс)
• Әбиба Әбужақынова (дзюдо)
• Милад Карими (гимнастика)
• Әмір Маймұратов (спорттық өрмелеу)

5-орын (10 000 доллар):

• Ешкімге төленген жоқ

6-орын (5 000 доллар):

• Александра Ле (атудан)
• Руслан Құрбанов (жекелей семсерлесу)
• Құрбанов, Әлімжанов, Шарлайымов, Сертай (командалық семсерлесу)