Азия чемпионатында Қазақстан намысын екі африкалық жеңіл атлет қорғайды
23.04.2025, 17:29
27–31 мамыр аралығында Кореяның Гуми қаласында өтетін жеңіл атлетикадан Азия чемпионатында Қазақстан әйелдер құрамасы сапында 18 спортшы бақ сынайды. Олардың қатарында кениялық текті спортшылар — Нора Джеруто мен Дейзи Джепкемей де бар.
instagram/@qazathletics
Соңғы жылдары Қазақстан құрамасына Азия жарыстарында медаль сыйлап жүргендердің басым бөлігі — әйелдер. Бұл үрдіс биылғы чемпионатта да жалғасады. Қазақстан әйелдер құрамасы 18 спортшыдан құралған және ол ең ауқымды делегациялардың бірі.
Жарысқа қатысатын спортшылар тізімі:
- Екатерина Авдеенко (Шымкент) – жетісайыс
- Виктория Ан (Алматы) – 200 м, 400 м, 4х400, 4х400 микс
- Юлия Башманова (ШҚО) – 100 м кедергілермен
- Аяна Болатбекқызы (Жетісу обл.) – 1500 м
- Нора Джеруто (ШҚО) – 3000 м кедергілермен
- Дейзи Джепкемей (ШҚО) – 5000 м және 10000 м
- Надежда Дубовицкая (ШҚО) – биіктікке секіру
- Мария Ефремова (Қарағанды обл.) – үш қарғып секіру
- Александра Залюбовская (Павлодар обл.) – 400 м, 4х400, 4х400 микс
- Аделина Земс (Қарағанды обл.) – 400 м кедергілермен, 4х400
- Кристина Кондрашова (Астана) – 4х400, 4х400 микс
- Елизавета Матвеева (ШҚО) – биіктікке секіру
- Анастасия Рыпакова (ШҚО) – ұзындыққа секіру
- Ольга Сафронова (Павлодар обл.) – 100 м, 200 м, 4х400, 4х400 микс
- Ясмина Тоқсанбаева (Алматы) – 20 км спорттық жүріс
- Антонина Чернышова (СҚО) – 100 м кедергілермен
- Алина Чистякова (Қарағанды обл.) – жетісайыс
- Анна Шумило (Қарағанды обл.) – 4х400 м эстафета
Қазақстан әйелдер командасы бұл жолы лақтыру (найза, диск, балға) және ядро итеру мен сырықпен секіру сынды сайыстарда өкілсіз қалады.