"Жеңісті күндерде жүздескенше!" - Алматыда Амангелді Сейітханның құрметіне бильярдтан турнир өтті (ВИДЕО)
БАҚ кәсіби мерекесіне орай белгілі журналист, спорт комментаторы Амангелді Сейітханды еске алуға арналған бильярдтан турнир өтті.
Турнир осымен төртінші жыл қатарынан ұйымдастырылды. Ақпарат, мәдениет, әдебиет саласының майталмандарынан құралған 10 команда бақ сынады. Қатысушылардың бәріне алғыс хат пен кәдесыйлар тарту етілді. Ойыншылар келер жылы дәл осы уақытта бильярд турнирінде басқосуға уәде етті. Бұл туралы 24.kz жазады.
“Қазақ журналистикасында өзі спорттың тақырыбы қиындау. Себебі термині көп. Ұғымдары көп. Оның бәрін қазақи ұғымға жеткізген бірден бір журналист Амангелді болды. Бұл турнирге Алматының ғана емес Астанадан келіп қатысып жатыр. Оның бәрі Амангелдіні сыйлағаны, құрметтегені. Демек Амангелдінің спорттағы аты да өшпейді. Қаншама олимпиада чемпиондарын Амангелді құттықтады. Олимпиада чемпионы болғанда сүйінші сұрады. Дауысы біздің құлағымыздан кетпейді”, – дейді ардагер журналист Қайнар Олжай.