Алматыда футзалдан Қазақстан чемпионатының финалдық сериясындағы үшінші матч үлкен шиеленіспен аяқталды. "Қайрат" пен "Семей" негізгі және қосымша уақытта жеңімпазды анықтай алмай, бәрі пенальти сериясына ұласты.
Алғашқы таймда-ақ командалар бір-бірін алаңсыз шабуылдап, есеп 1:1 болды. "Семей" сапында алғашқы голды Габриэль Кандидо соқса, "Қайрат" жағынан жауапты Біржан Оразов қайырды. Арада екі-ақ минут өткенде, 29-минутта Жулио Занотто алматылықтарды алға шығарды. Бірақ қуаныш ұзаққа созылмады — 31-минутта Ринат Төреғазин таразы басын қайта теңестірді.
Негізгі уақыттан кейін қосымша екі таймда да командалар бір-бір голдан алмасты. "Қайрат" сапынан Жахангир Рашит (41') гол соқса, "Семей" жауабын Дедезиньо Андерсон (43') қайтарды. Осылайша матч 3:3 есебімен аяқталды.
Пенальти сериясында "Қайрат" ойыншылары салқынқандылық танытып, 5:4 есебімен басым түсті. Бұл жеңіс оларға финалдық серияда 2:1 есебімен алға шығуға мүмкіндік берді.
Енді төртінші ойын шешуші болуы мүмкін. Егер "Қайрат" келесі матчта да жеңіске жетсе чемпион атанады.
