Бразилия құрамасының қорғаушысы Марсело (толық аты — Марсело Аугусту дос Сантуш) "Семей" футзал клубына ауысады.
Футзал әлемінің беделді журналисі Густаво Муньянның хабарлауынша "Семей" испаниялық клубқа 140 000 еуро көлемінде төлем жасамақ. Айта кетейік, дәл осы Муньян бұған дейін Денердің "Эль-Посо" клубына ауысқанын алғашқылардың бірі болып жеткізген еді.
"Семей" биыл Қазақстан кубогын жеңіп алды. Ал 23 тамыз күні клуб ел чемпионы "Қайратпен" Суперкубок үшін кездеседі.