Сауд Арабиясының Эр-Рияд қаласында өтіп жатқан Ислам ынтымақтастығы ойындарында зілтемірші Артем Антропов ел қоржынына қола медаль салды.
Спортшы 110 келіге дейінгі салмақ дәрежесінде өнер көрсетіп, «толчок» жаттығуында үшінші орынға ие болды. Ең сәтті әрекетінде Антропов 223 келі салмақты көтерді. Алтын медальді өзбекстандық Акбар Джураев (227 кг) жеңіп алса, күміс жүлде ирандық Алиреза Насириға (224 кг) бұйырды.
«Серпе» кезеңінде Артем жетінші нәтиже көрсетсе, қос сайыстың қорытынды есебінде бесінші орын иеленді.
Артем Антропов – тәжірибелі спортшы. Ол бұған дейін әлем чемпионы атанған, сондай-ақ Азия ойындары мен Азия чемпионатында бірнеше мәрте жүлдеге іліккен.
Ислам ынтымақтастығы ойындарында қазақстандық команда бүгінге дейін 27 медаль жеңіп алды:
Бұл көрсеткішпен Қазақстан командалық есепте төртінші орында тұр.