Google сұраныстары бойынша ең танымал спортшы кім?

2025 жылы Google-де ең көп ізделген спортшылар топ-10

2025 жылдың қорытындысы бойынша Google сұраныстары негізінде жасалған рейтингте Кроуфорд әлем бойынша №1 спортшы болып тіркелді. Тізімнің алғашқы ондығы мынадай:

1. Теренс Кроуфорд – бокс
2. Рори Макилрой – гольф
3. Шедер Сандерс – америкалық футбол
4. Шей Гилджес-Александер – баскетбол
5. Джейлен Хёртс – америкалық футбол
6. Мэнни Пакьяо – бокс
7. Александр Овечкин – хоккей
8. Купер Флэгг – баскетбол
9. Стефон Диггз – америкалық футбол
10. Кэм Скаттебо – америкалық футбол

Бұл тізім 2025 жылы жанкүйерлердің назарында болған, ақпараттық кеңістікте жиі талқыланған спортшыларды айқын көрсетеді.

Теренс Кроуфорд неге трендте?

2025 жыл Кроуфорд үшін карьерасындағы ең жарқын кезеңдердің бірі болды. Ол мексикалық супержұлдыз Сауль «Канело» Альваресті төрешілердің бірауызды шешімімен жеңіп, екінші орта салмақта абсолютті әлем чемпионы атанды.

Кейінірек WBC америкалық боксшыдан чемпиондық белбеуін қайтарып алғанына қарамастан, дәл осы жанжал мен тарихи жеңіс Кроуфордтың есімін әлем бойынша басты ақпараттық тақырыптардың біріне айналдырды.