Қазақстанның ең мықты шахматшысы, рапид пен блицтен әлемдік рейтингтің үздік ондығына жақын жүрген Бибісара Асаубаева Global Chess League турнирінде қиын позициядан аман шығып, әлемнің көшбасшы ойыншыларының бірі – қытайлық Хоу Ифаньмен кездесуді тең аяқтады.
Оқиға FYERS American Gambits сапында ойнаған Асаубаева (қаралар) мен дүниежүзінің 13-чемпионы, классикадан ФИДЕ рейтингінің көшбасшысы Хоу Ифань (Alpine SG Pipers) арасындағы матчта болды.
Бибісараның жағдайы ауыр көрінгенімен 53…Фе2 жүрісінен кейін төреші позицияның үш мәрте қайталануын тіркеп, партияға тең нәтиже берді.
Шахмат шолушысы Александр Ляховтың айтуынша, Хоу Ифань екі рет қайталанудан қашып кетуге мүмкіндік алған, алайда белгісіз себеппен ол жолды таңдамаған. Болжам бойынша, қарсылас қара ферзьдің ықтимал қауіптерін асыра бағалаған болуы мүмкін.
Global Chess League – классикалық форматтан бөлек, командалық жүйе бойынша өтетін ерекше лига. Мұнда үздік гроссмейстерлер бірнеше құрамға бөлініп, жүлде қоры үшін өзара күш сынасады. Биыл турнир Үндістанда ұйымдастырылды.
Chess.com порталының дерегінше, осы маусымдағы жалпы жүлде қоры 1 миллион доллар:
Қазір Бибісара ойнайтын American Gambits командасы 6 команданың ішінде 5-орында келеді. Лига матчтары 23 желтоқсанға дейін жалғасады.
21 жастағы Бибісара Асаубаева:
Сондай-ақ 2025 жылғы 22 шілдеде FIDE кеңесінің шешімімен Бибісараға гроссмейстер мәртебесі бекітілгені хабарланды.