2 млн теңге: Спорт журналистикасының үздіктері қомақты сыйақымен марапатталды
Комментаторлық қызметті енді бастаған журналисттер де шет қалмады.
Астанада 2024 жылдың үздік спорт комментаторлары мен журналистері марапаттау рәсімі өтті. Спорт тақырыбында жазатын үздік журналистті анықтайтын байқау алғашқы рет өтсе де, біраз БАҚ-тың өкілі бақ сынаған.
Атап айтсақ, «Бірінші бол» медиа-жобасы байқауға өтінім берген жас комментаторлардың арасынан Қазспорт» телеарнасының журналисі Айбек Намазбаевты үздік деп танып, 500 мың теңге сыйақы табыстады.
«Бірінші бол» резиденттерінің айтуынша, бұл тек бастамасы ғана. Аталған сыйлық енді жыл сайын үздік деп танылған жас комментаторға тағайындалмақ.
Өз кезегінде БАҚ комиссиясы, Ермұхамед Мәулен бастаған арнайы жюри және Әділет Назарбайұлының дауыс беруімен «Жыл комментаторы» номинациясына Әлімжан Асқар лайық деп танылды. Үздік үштік қатарынан сондай-ақ, Ерсін Ерік пен Олжас Байбосын көрінді.
ҚФФ бас хатшысы Андрей Дудин жеңімпаздарды марапаттап, ақшалай сыйақы табыстады:
1. Әлімжан Асқар – 2 000 000 теңге;
2. Ерсін Ерік – 1 000 000 теңге;
3. Олжас Байбосын – 500 000 теңге.
Сондай-ақ федерация үздік спорт журналистерін де анықтады. «Бірінші бол» ақпараттық агенттігінің редакторы Бек Төлеуов үздіктердің қатарынан көрінді.
1. Ербол Қайыров – 1 000 000;
2. Есет Төлеш – 500 000;
3. Бек Төлеу – 250 000 теңге.