Бибісара Асаубаева әлем чемпионатында бабына келді
Отандасымыз Нью-Йоркте шахматтың блиц және рапид түрінен өтіп жатқан әлем біріншілігінде екі рет жеңіске жетті.
Бибісара алғашқы ойында үндістандық Роут Падмини және польшалық Алисия Сливицкаямен тең түскен. Кейін АҚШ пен Сербия өкілдері – Атушу Пуркашьян мен Теодору Иньяцті жеңді.
Осылайша Асаубаева үш ұпайға иелік етіп 20-шы орынға көтерілді. Ал төрт турдан кейін рапидте Элис Ли (АҚШ), Жу Венжун және Тань Чжунъи (Қытай) көш бастап келеді.
Сонымен қатар ТОП-50-де бірнеше қазақстаық бар. Лия Құрманғалиева – 30-орын (2,5 ұпай), ал Меруерт Қамалиденова, Әмина Қайырбекова және Зейнеп Сұлтанбек (бәрінде екі ұпайдан) 46-шы орын мен 48-ші орындарға табан тіреген.
Еске сала кетсек, Асаубаева блицтен екі дүркін әлем чемпионы (2021, 2022) - 2021 жылы осы түрінен шахмат тарихында әлемдегі ең жас чемпион атанған.
Ерлер турнирінде қазақстандар арасында Қазыбек Нүгірбек үздіктер қатарында келеді. Оның еншісінде 4 ұпай бар (15-орын).