Команда қазақстандық болып қала береді.
Бюджетін Қазақстан Үкіметі мен бірнеше отандық компаниялар қалыптастыратын команданы XDS қытайлық велосипед өндіруші айтарлықтай толықтырады. Қазір елордалық клуб алдында әлемдік велоспорт элитасында қалу міндеті тұр, деп хабарлайды Cyclingnews.
Бірақ кейбір халықаралық сарапшылар XDS Astana Team қойылған мақсатты орындай алатынына күмәнмен қарайды. Қазақстандық команданы маусымаралық кезеңде болашағынан зор үміт күттіретін жаңа 13 велосипедші толықтырған. Еске сала кетсек, ProTeam тізіміндегі орынды сақтап қалу үшін біздің клуб UCI үш жылдық рейтингінің топ-18-не кіруі керек. Қазір XDSAstana Team 21-ші орында тұр. Елордалық ұжым Uno-X Mobility (Норвегия), Arkéa — B&B Hotels (Франция) және Cofidis (Франция) сияқты мықты командалардан төмен рейтингте орналасты. Алдағы маусым барысында қазақстандық клуб 4000-нан астам рейтингтік ұпай жинауы қажет.
"Біздің мақсатымыз – 2025 жылы WorldTour лицензиясын сақтап қалу. Содан кейін біз зор жетістіктерге ұмтыла аламыз. Мүмкін сол кезде біз GC-ге бағытталған Grand Tour шабандозын қатарға қоса аламыз. UAE, Red Bull және басқа демеушілер суперкомандалармен бірге дамығысы келеді. Бұл оңай шаруа емес. Бәрі кезең-кезеңмен жүзеге асады", - деді XDS Astana Team бас менеджері Александр Винокуров Cyclingnews-ке берген сұхбатында.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
