Кім қанша табыс тапты? 2024 жылы байыған қазақстандық спортшылар
БАҚ өкілдері өтіп бара жатқан жылы қазақстандық спортшылардың спорттағы кәсіби жетістіктерімен қатар қомақты гонорар алғанын жазған еді.
Елена Рыбакина – теннис
Елдің бірінші ракеткасы әдеттегідей рейтингте жоғары орынға ие. Демек әлемдік теннисте қомақты гонорар алатыны түсінікті. Рыбакина 2024 жылы WTA дәрежелі үш трофей жеңіп, екі WTA 1000 турнирлерінің финалына шықты және Уимблдонның жартылай финалында ойнады. Әлемнің алтыншы ракеткасы ресми 3 876 915 доллар (2 млрд-тан астам теңге) гонорар ұтып алды. Одан қалды спортшы көрсетілім турнирлеріне және жарнамалық науқандарға ұдайы атсалысады. Бірақ осы үшін қанша алатыны еш жерде жария етілмеген.
Александр Бублик – теннис
Кәсіби теннисшілер қауымдастығының (ATP) ресми сайтында Қазақстанның үздік теннисшісі биылғы маусымда 1 527 508 доллар (800,4 млн теңге) табыс тапқан. Дегенмен Рыбакинамен ұқсас жағдайға байланысты жарнамалық науқандар мен көрсетілім турнирлері үшін төленген сома көрсетілмеген.
Бахтиёр Зайнутдинов – футбол
Футболдан Қазақстан құрамасының ең үздік сұрмергені былтыр тамыз айынан бері түркиялық “Бешікташ” сапында өнер көрсетеді. Отандақ жартылай қорғаушының айлық жалақысы 100 мың еуроға тең. Ал жарнамасыз жалпы табысы 1,2 млн еуро (655 млн теңге).
Елдос Сметов – дзюдо
Қазақстандық ағымдағы жылы Парижде олимпиада чемпионы атанып, елге жалғыз алтын медаль сыйлады. Ол мемлекеттен 250 мың доллар (131 млн теңге), сондай-ақ жеке сыйлық ретінде бес көлік алды: Toyota, Lexus, Mercedes, KIA и Haval. Бұдан бөлек Елдосқа бір табын жылқы берілді. Ал туған жері Таразда бес бөлмелі пәтердің кілті табысталды. Мұнымен қоса Алматы мен Астанадан баспана бұйырды. Дзюдо клубы атынан 50 миллион теңге сыйақыға ие болды.
Жәнібек Әлімханұлы – бокс
“Қазақ бокс стилі” 2024 жылы шаршы алаңға бір-ақ рет көтерілді. Ол 4 қазанда бұған дейін жеңіліп көрмеген жаңазеландиялық Андрей Михайловичті нокаутқа түсіріп, WBO және IBF нұсқалары бойынша екі чемпиондық атақты қорғап қалды. Әлімханұлы осы жекпе-жегі үшін 228 150 доллар (119 млн теңге) пайдаға кенелді.
Шавкат Рахмонов – аралас жекпе-жек
UFC жұлдызы биыл желтоқсанда төрешілердің бірауызды шешімімен ирландиялық Иэн Гэрриді жеңіп бір жекпе-жек өткізді. Осылайша “Номадтың” гонорары бірден 350 мыңнан 450 мың долларға дейін өсті. Одан қалды қазақстандыққа ақылы трансляцияларды сату (PPV) бойынша проценттер төленеді. Бірақ UFC 310 турниріне қатысты мұндай мәліметтер ресми жарияланған жоқ. Рахмонов өзгелер сияқты түрлі танымал брендтермен қызмет етеді. Жарнамалық науқандар оның негізгі капиталы саналады.