Спорт мектебінің директорлары бюджет қаражатын бәс тігуге жұмсаған
Ақтөбе облысының прокуратурасы бюджет қаражатын мақсатсыз жұмсаған екі спорт мектебінің директорына қатысты қылмыстық істі сотқа жолдады.
Бюджетке түсуі тиіс қаражатты өз қажеттіліктеріне жұмсаған
20 ақпандағы ресми мәліметке сәйкес, тергеу барысында екі балалар-жасөспірімдер спорт мектебінің басшылары спорт залдары мен алаңдарды жалға беру қызметтерінен түскен қаражатты заңсыз иемденгені анықталды. Бұл қаражат мемлекеттік бюджетке түсуі тиіс болған.
"12 миллион теңгеден астам бюджет қаржысы жеке қажеттіліктерге, соның ішінде букмекерлік кеңселердегі ставкаларға жұмсалған. Аталған фактілер бойынша прокуратура екі қылмыстық іс қозғады. Тергеу жұмыстарын облыстық Экономикалық тергеу департаменті жүргізді", – делінген прокуратура мәлімдемесінде.
Қылмыстық іс сотқа жіберілді
10 қаңтарда тергеу аяқталып, екі іс біріктіріліп, сотқа жіберілді. Енді спорт мектептерінің экс-директорлары сот алдында жауап бермек.