Қазақстандық ММА жауынгері Қуат Хамитов әлеуметтік желіде өз өмірі жайлы шындықты айтып берді.
Белгілі спортшы Instagram парақшасында бейнежазба жариялап, өмірлік көзқарасын ашық айтты:
«Мен жалғызбын, қарашы – айналамда ешкім жоқ. Мен ешкімге ұнамаймын, бауырым. Не бар, соны айтам. Кейде өмірде сені қолдайтын, жігер беретін, жеңісіңді бірге атап өтетін немесе саған қол шапалақтайтын адамдар болмайды. Ондай сәтте бәрін өзің істеуге тура келеді. Мен дәл қазір соны жасап жүрмін», — деді Хамитов.
Айта кетейік, бұған дейін 37 жастағы қазақстандық файтер Ресейдің беделді ММА лигасы — ACA-да сәтті дебют жасаған.
ACA 194 турнирінде Қуат Хамитов жергілікті спортшы Анатолий Бойкомен кездесіп, төрешілер шешімімен жеңіске жетті.