Қазақстан құрамасының және Санкт-Петербургтің «Зенит» клубының қорғаушысы Нұралы Әліп әлеуметтік желідегі парақшасында демалыстан түсірілген суреттерін көрсетті.
Ұлттық құрама капитаны Instagram желісіне Вьетнамда өткен демалысының фотоларын жүктеді. Футболшы бұл сапарға отбасымен және жақын достарымен бірге барған. Кадрларда «Ұлытау» клубының жартылай қорғаушысы Дәмият Сламбеков, «Жетісу» клубының қорғаушысы Димаш Қашкен де көрінеді.
Суреттерден экзотикалық елдегі тынығудың жарқын сәттері байқалады. Сонымен қатар Әліптің жұбайы және қызымен бірге түскен отбасылық фотолары да жарияланған.
Пост сипаттамасында футболшы қысқа әрі мағыналы ой қалдырды:
«Демалыс аяқталды, бірақ атмосфера әлі де өмір сүріп жатыр», — деп жазды Нұралы Әліп.
Айта кетейік, 15 қаңтарда Нұралы Әліп «Зенит» командасымен бірге Катарға шетелдік оқу-жаттығу жиынына жол тартады.