Алматы бокс федерациясы халықаралық ареналарда Қазақстанның абыройын асқақтатып жүрген танымал былғары қолғап шебері Алуа Балқыбекованы арнайы марапаттап, су жаңа автокөлік табыстады.
Бұл қуанышты әрі маңызды сәт Алматы бокс федерациясының жылдық конференциясында жүзеге асты. Жиын аясында федерация өкілдері жыл бойы ел намысын лайықты қорғап, әлемдік деңгейде нәтижелі өнер көрсеткен спортшылардың еңбегін ерекше атап өтті.
Сонымен қатар 2025 жылы халықаралық турнирлерде Қазақстанның көк байрағын биік көтерген #AlmatyBoxingTeam командасының өзге де мүшелеріне де айрықша құрмет көрсетілді. Үздік нәтиже тіркеген боксшыларға құрмет грамоталары, арнайы марапаттар және ақшалай сыйақылар табысталып, олардың қажырлы еңбегі мен тұрақты дайындығы жоғары бағаланды.
Бұл қадам — жас спортшыларға мотивация беріп қана қоймай, Алматы боксының деңгейі мен әлеуетін тағы бір мәрте дәлелдеген жағымды жаңалық.