Әлеуметтік желілерде алматылық "Қайрат" қақпашысының балақайлармен кездескен сәті кеңінен тарап жатыр.
Әлеуметтік желілерде қазақстандық футболшы Анарбековтың мектеп оқушыларына барған сәті бейнеленген видео кеңінен тарады. Кадрларда балалардың спортшыны қоршап алып, автограф сұрап, бірге суретке түскені көрінеді.
Бейнежазбада Анарбековтың балалармен еркін тілдесіп, жанкүйерлерімен уақыт өткізгені байқалады.
Бейнеролик желі қолданушылары арасында қызу талқыланып жатыр. Көпшілік бұл көріністі Қазақстан футболы үшін оң өзгерістің белгісі ретінде бағалауда.
«Керемет енді өзіміздің Қазақтың жігіттері кумир болады жас ұрпаққа»
«Өз қазағым өз қазақ балапанға үлгі болатын кунге жеттік ау шүкір Аллаға»
«Анарбековке қарап ұлдарым футболға барайын деп жатыр. Мессиге қарап емес, Анарбеков пен Сәтпаевқа еліктеп баратынына мен қуанып жүрмін».
Видео қысқа уақыт ішінде мыңдаған қаралым жинап, Қазақстандағы спорттық кумирлердің өзгеріп келе жатқаны туралы пікірталасқа себеп болды.