Мәнерлеп сырғанаушы 1994 жылдан бері Қазақстанға алғашқы алтын медаль әкелді.
КСРО-ның еңбек сіңірген жаттықтырушысы Татьяна Тарасова қазақстандық Михаил Шайдоровтың 2026 жылғы Қысқы Олимпиада ойындарындағы жеңісі туралы пікір білдіріп, оның техникалық деңгейін атап өтті.
Пікірге Милан мен Кортина-д’Ампеццода өткен Олимпиададағы ерлер арасындағы жекелей сайыстың қорытындысы себеп болды. Қазақстандық мәнерлеп сырғанаушы қысқа бағдарламадан кейін бесінші орында тұрғанына қарамастан, жарыста жеңіске жетті.
КСРО-ның еңбек сіңірген жаттықтырушысы Шайдоров пен оның бапкері үшін қуанышты екенін айтты.
«Мен Шайдоров пен оның жаттықтырушысы үшін өте қуаныштымын. Талантты жігіт Олимпиада ойындарын жеңіп алды. Ол секірістерін өте таза орындады, техникалық бағасы өте жоғары болды», – деді Тарасова Matchtv.ru сайтына берген пікірінде.
Қысқа бағдарламадан кейін Шайдоров 92,94 ұпай жинап, бесінші орында тұрған еді. Еркін бағдарламада әлем чемпионатының күміс жүлдегері 198,64 ұпай алып, жалпы 291,58 ұпаймен 2026 жылғы Олимпиада ойындарының алтын медалін жеңіп алды.
Бағдарлама барысында қазақстандық спортшы мансабында алғаш рет бес төрттік секіруді таза орындады. Екінші орынды Юма Кагияма (280,06 ұпай), ал үшінші орынды Сюн Сато (274,90 ұпай) иеленді.
Милан мен Кортина-д’Ампеццодағы Олимпиада ойындары 22 ақпанда аяқталады.