Бибісара Асаубаева демалысын Жавохир Синдаровпен бірге өткізді
Қазақстандық шахматшы Бибісара Асаубаева Кипрдің Пафос қаласынан жаңа суреттер жариялап, көпшіліктің қызығушылығын тудырды.
Бибісараның демалыс күні қалай өтті?
Блицтен әлемнің екі дүркін чемпионы өз Telegram-арнасында матчтар арасындағы бос күнін қалай өткізіп жатқанын көрсетті. Жарияланған фотолар арасында анасымен бірге дүкен аралаған сәттер, селфи және күнделікті өмірінен үзінділер бар.
Алайда желі қолданушыларының ерекше назарын аударған кадр — лифтіде түсірілген фото болды. Онда Бибісара жас жігітпен құшақтасып тұр, ал жігіт оның маңдайынан сүйіп тұрған сәт бейнеленген. Көпшілік бұл азаматты Пафостағы турнирге қатысып жатқан өзбекстандық гроссмейстер Жавохир Синдаров деп таныды.
Желіде қандай жазба қалдырды?
Шахматшы бұл жарияланымға:
"Қайтадан демалыс күні", — деп қысқа жазба қалдырған.
Осыған дейін ФИДЕ-нің баспасөз қызметі видеожазба жариялап, онда 22 жастағы қазақстандық шахматшының үшінші турдан кейін 20 жастағы Жавохир Синдаровты матч аяқталған соң күтіп тұрған сәті көрсетілген.
Турнир кестесіндегі жағдай қандай?
Үміткерлер турнирі-2026 жарысының 10-туры аяқталғаннан кейін Бибісара Асаубаева 5 ұпаймен бесінші орында келеді. Ал ерлер арасындағы бәсекеде Жавохир Синдаров 8 ұпай жинап, жеке-дара көш бастап тұр.