Сәбина Алтынбекова "еркін бойжеткен" екенін жария етті
Қазақстандық танымал волейболшы Сәбина Алтынбекова әлеуметтік желідегі оқырмандарымен ашық әңгіме өткізіп, жеке өміріне қатысты сұраққа жауап берді.
Сәбина Алтынбекова: “Қазір еркін бойжеткенмін”
Спортшы Instagram-дағы сторисінде оқырмандарына сұрақ қоюға мүмкіндік берген. Солардың бірі одан қазіргі таңда қандай мәртебеде екенін сұраған.
Сәбина бұл сауалға қысқа да нақты жауап қайтарды.
“Қазір еркін бойжеткен мәртебесіндемін”, — деді Сәбина Алтынбекова.
Бұл жауап желі қолданушылары арасында қызу талқыланып, волейболшының жеке өміріне қызығушылықты қайта күшейтті.
Ажырасуы бұған дейін де талқыланған
Еске салсақ, Сәбина Алтынбекова 2025 жылдың наурыз айында продюсер Саят Тостықбаевпен ажырасқанын мәлімдеген. Осыдан кейін жанкүйерлері спортшының жеке өміріндегі өзгерістерді жіті бақылап келеді.
Сәбина Алтынбекова тек спорттағы жетістіктерімен емес, көпшілік арасындағы танымалдығымен де ерекшеленеді. Оны жанкүйерлер жиі Қазақстанның ең танымал волейболшыларының бірі ретінде атайды.