Елена Рыбакина (WTA рейтингінде 6-орын) 2025 жылғы WTA финалдық турниріндегі алғашқы кездесуінде сенімді ойын көрсетті. Ол Эр-Риядтағы матчта америкалық Аманда Анисимовамен (4-орын) күш сынасты.
Елена екі сетке ғана созылған кездесуде қарсыласын айқын басымдықпен ұтты — 6:3, 6:1. Матч барысында жоғары деңгейлі ойын өрнегін көрсетіп, брейк-пойнттарда салқынқандығын дәлелдеді.
Бұл жеңіс қазақстандық спортшыға турнирдің келесі кезеңіне сенімді қадам жасауға мүмкіндік береді.
«Серена Уильямс» тобына түскен Рыбакинаның келесі қарсыластары — польшалық Ига Швентек (2-орын) пен АҚШ өкілі Мэдисон Киз (7-орын). Бұл ойындар да финалдық кезеңге шығуға шешуші әсер етеді.
2025 жылғы WTA Финалдық турнирінің жалпы жүлде қоры 15,5 миллион долларға тең. Ал бас жүлде иегері 5,235 миллион доллар табыс табады. Былтырғы чемпион — америкалық Кори Гауфф (3-орын).