Қазақстанның үздіктері Australian Open-де сәтсіздікке ұшырады

Қазақстандық теннисшілер Александр Бублик пен Александр Шевченко Australian Open–2026 турнирінің жұптық сынында жарысты ерте аяқтады.

1/32 финал кезеңінде қазақстандық дуэт бразилиялық Марсело Демолинер мен нидерландтық Жан-Жюльен Ройерге қарсы кортқа шықты. Кездесу екі сетте аяқталып, қарсыластардың жеңісімен түйінделді. Қорытынды есеп — 6:3, 6:2.

Статистика

Матч барысында Бублик пен Шевченко:

• 2 эйс орындады;
• 2 қос қателік жіберді;
• 2 брейк-пойнттың біреуін де пайдалана алмады.

Ал Демолинер мен Ройер:

• 4 эйс жасады;
• 4 қос қателікке жол берді;
• 4 брейк-пойнттың 3-еуін сәтті жүзеге асырды (75%).

Айта кетейік, Александр Бублик пен Александр Шевченко Қазақстанның жекелей сындағы бірінші және екінші ракеткалары болып саналады. Бублик қазіргі таңда ATP рейтингінде 10-орында, ал Шевченко 97-сатыда тұр. Алайда екеуі де жұптық әлемдік рейтингке енбеген.

Оқи отырыңыздар: 

Қазақстандық файтер Нурмагомедовты жақтап шықты

"Брюгге" Астанаға 50 млн еуро кадрлық шығынмен келді

Еурокубоктарда көмектесе алмай ма? Дастан Сәтпаевтың оралатын мерзімі нақтыланды