Еурокубоктарда көмектесе алмай ма? Дастан Сәтпаевтың оралатын мерзімі нақтыланды
"Қайраттың" бас бапкері Рафаэль Оразбахтин шабуылшы Дастан Сәтпаевтың жарақатына қатысты жағдайды нақтылап, оның қалпына келу мерзімін атады.
Операция болады ма?
Оразбахтиннің айтуынша, жарақатты жедел жолмен шешуге де мүмкіндік болған. Алайда команда емді хирургиялық араласусыз жүргізуге ұмтылады.
Бас бапкердің мәліметінше, клуб форвардтың 3 ақпанда Түркиядағы оқу-жаттығу жиынында командаға қайта қосылуын күтеді. Сондай-ақ оның “Қайраттың” Түркиядағы екінші жиынына бірге баруы жоспарланып отыр.
Қай матчтарды өткізіп алуы мүмкін?
Аталған мерзімдерге қарағанда, Дастан Сәтпаев 20 қаңтарда “Қайрат” – “Брюгге” матчында көмектесе алмайды (ойын Астанада, “Астана Аренада”, 20:30 басталады);
Еурокубок маусымындағы соңғы ойын — 28 қаңтардағы сырт алаңдағы лондондық “Арсеналға” қарсы кездесуді де өткізіп алуы ықтимал.
Осылайша шабуылшының толыққанды қайтуы еурокубоктық науқан аяқталғаннан кейін күтіледі.