Зарина Дияс Түркиядағы турнирдің жартылай финалына шықты
19.10.2024, 17:29
Қазақстандық белгілі теннисші Зарина Дияс Түркияның Кайсери қаласында өтіп жатқан ITF сериясындағы турнирде өзінің үшінші кездесуін өткізді.
olympic.kz
Жерлесіміз ширек финалдық кездесуде жергілікті теннисші Дениз Дилекке қарсы ойнап, екі сетте 6:0, 6:2 есебімен жеңіске жетті. Ойын небәрі 47 минутқа созылды.
Енді жартылай финалда Зарина Дияс Екатерина Маклаковамен күш сынасады.
Айта кетейік, 30 жастағы қазақстандық спортшы жарақаттан ұзақ қалпына келу кезеңінен кейін қазіргі уақытта WTA (Әйелдер теннис қауымдастығы) әлемдік рейтингінде 488-орында тұр.