Юлия Путинцева Australian Open келесі айналымына өтті
16.01.2025, 09:29
Екінші айналымда отандасымыз қарсыласын бір-ақ сағатта жеңіп шықты.
NUR.KZ
Әлемнің 23-ші ракеткасы саналатын қазақстандық теннисші Юлия Путинцева Australian Open-нің үшінші айналымына жолдама алды.
Екінші айналымда отандасымыз қытайлық Чжан Шуайды екі сетте ойсырата жеңді. Есеп - 6:2, 6:1. Кездесу небәрі бір сағат 3 минутқа ғана созылды.
Енді Путинцева әлемнің оныншы ракеткасы ресейлік Дарья Касаткинамен кездеседі. Соңғы кездесуінде ол да қытайлық теннисшіден басым түсті.