Сәкен Бибосынов – Қазақстанға халықаралық турнирдің "алтынын" әперді (ВИДЕО)
Қазақстан ұлттық құрамасының үздік боксшыларының бірі Сәкен Бибосынов Ресейдің Хабаровск қаласында өткен Константин Коротковты еске алуға арналған халықаралық турнирде алтын медаль жеңіп алды. Бұл — Қазақстан үшін аталған бәсекедегі алғашқы "алтын" жүлде.
54 келіге дейінгі салмақ дәрежесінде сынға түскен Бибосынов ақтық сында Ресей боксшысы Денис Пальшинмен қолғап түйістірді. Үш раундқа созылған тартысты кездесуде қазылар бірауыздан жеңісті Сәкенге берді. Осылайша ол турнир чемпионы атанды, ал ресейлік қарсыласы күміс медальмен шектелді
Айта кету керек, жартылай финалда Бибосынов Өзбекстан өкілі Фарёзбек Дусматовты 5:0 есебімен сенімді түрде жеңді. Бұл боксшы – екі дүркін Олимпиада чемпионы Хасанбой Дусматовтың туған інісі. Сәкеннің бұл жеңісі – оның әлемдік деңгейдегі тәжірибесін тағы бір дәлелдеді.
2021 жылғы әлем чемпионы және Токио Олимпиадасының қола жүлдегері ретінде Сәкен Бибосынов Қазақстан боксының беткеұстар тұлғасы саналады.