Қазақстандық боксшылар Еревандағы халықаралық турнирде 6 медаль жеңіп алды
20.04.2025, 17:51
14–19 сәуір аралығында Арменияда бокстан беделді халықаралық турнир — Ереван мэрінің кубогы өтті. Бұл жарысқа 10 елден келген спортшылар қатысты: Армения, Ресей, Қазақстан, Молдова, Израиль, Иран, Грузия, Ирак, Кипр және Палестина.
radar.am
Қазақстандық боксшылар бұл додада 6 жүлдеге қол жеткізді. Оның ішінде 1 күміс және 5 қола медаль бар.
Күміс медаль:
- Нұржан Амангелді — 71 кг
Қола медаль иегерлері:
- Ринат Мақсутов — 48 кг
- Сұлтан Молдаш — 51 кг
- Нұрислам Бекен — 54 кг
- Мақжан Әлімов — 63,5 кг
- Икром Саидахранов — 92 кг
Ереван мэрінің кубогы — ТМД елдері мен Таяу Шығыс өңіріндегі үздік жас боксшылар жиналатын алаң. Мұнда тәжірибе алмасып қана қоймай, алдағы ірі жарыстарға дайындық жүргізу мүмкіндігі туады.