Бекзат Саттархановтың соңғы арманы қандай болғанын жаттықтырушысы айтты
Олимпиада чемпионының залға оралғысы келген.
Бокстан Қазақстанның еңбек сіңірген жаттықтырушысы Тұрсынғали Еділов 2000 жылы Сидней Олимпиадасының чемпионы Бекзат Саттархановпен соңғы рет не туралы сөйлескенін айтып берді. Бұл сұхбат Sport+ YouTube-арнасында жарияланды.
"Бекзат маған бір күні хабарласты. "Мен шаршадым, жаттығу қашан басталады? Облыстарды аралағаннан жалығып кеттім. Залды сағынып жүрмін, тезірек бастаңыздаршы“, — деді. Бұл жаңа жылдың алдындағы желтоқсанның 20-лары болатын. Мен оған: "Сәл шыда, жаңа жылдан кейін бастаймыз“, — дедім. Сол кезде Олимпиада чемпиондары аймақтарға шығып, боксты насихаттауы тиіс болатын", — деді Тұрсынғали Еділов.
Бекзат Саттарханов — Қазақстан спорт тарихындағы ерекше тұлға. 2000 жылы Сидней Олимпиадасында алтын медаль жеңіп алып, халықтың мақтанышына айналды. Алайда оның ғұмыры тым қысқа болды.
2000 жылдың 31 желтоқсанында, небәрі 20 жасында көлік апатынан қайтыс болды. Бұл жаңалық бүкіл елді есеңгіретіп, халық жүрегінде орны толмас қайғы қалдырды.