Сидней Олимпиадасының чемпионы қазақ боксының басты мәселесін атады
Сидней-2000 Олимпиадасында Қазақстан құрамасын басқарған Тұрсынғали Еділов бүгінгі қазақ боксының жай-күйін сараптап, өз пікірін білдірді.
Еңбек сіңірген жаттықтырушы Тұрсынғали Еділов, қазіргі боксшылар мен бұрынғы буынның айырмашылығын нақты атап өтті:
"Бүгінгі жағдай мүлде басқа. Бұрын біз жертөлелерде жаттықтық. Сол кездің жігіттер "аш" болды. Қазір сол жоқ. "Аз болса да, мотивациясы көп болсын“ деп бекер айтылмаған. Бұрын спортшылар үздіксіз ізденісте жүретін. Ал бүгін ше? Әлем чемпионатына 200 мың доллар береді. Бірақ сол үшін күндіз-түні еңбектену керек. Біз ол кезде Олимпиададан кейін бар болғаны 1 000 доллар алдық", – деді ол Sport+ YouTube-арнасына берген сұхбатында.
2000 жылы Сиднейде өткен Олимпиадада Тұрсынғали Еділовтің жетекшілігімен Қазақстан құрамасы тарихтағы ең үздік нәтижекөрсетті — екі алтын және екі күміс медаль. Бұл жетістікке әлі күнге дейін ешбір Олимпиадада тең келетін нәтиже көрсетілген жоқ.
Тұрсынғали Еділовтің айтуынша, қазіргі таңда боксшылардың мүмкіндігі көп, бірақ рухани дайындығы төмен. Заманауи инфрақұрылым мен қомақты сыйақылар болса да, мотивацияның жетіспеушілігі спорттағы биік белестерге қол жеткізуге кедергі келтіруде.