Елдос Сметов елден неліктен кеткенін көрсетті (ВИДЕО)
Халықаралық дзюдо федерациясы (IJF) Қазақстанның даңқты дзюдошысы Елдос Сметовтің қатысуымен арнайы видеоны жариялады.
Бейнежазбада спортшы өзінің Олимпиада-2024 ойындарындағы тарихи жеңісін еске алып, неліктен елден кеткенін жанкүйерлерге ұғындырды.
"Үшінші Олимпиадамда менің жұлдызым жанды. Сол күні сәттілік те, спорттық формам да ең жоғары деңгейде болды. Біз Қазақстан тарихын жаңарттық", – деді Елдос видеода.
Сметов видеода тек жеңіс жайлы айтып қоймай, ағылшын тілінде де еркін сөйлеп, жанкүйерлерді таңғалдырды.
"My name is Yeldos Smetov. I am a three-time Olympic medalist, 2015 World Champion in Astana, and Olympic Champion", – деп ағылшын тілінде таныстырды ол өзін.
Бұл – Елдостың тек спортпен шектелмей, халықаралық деңгейде өзін жаңа қырынан танытуға дайын екенін көрсетеді.
Ұлыбританияға сапар – өзін-өзі дамыту кезеңі
Париж Олимпиадасынан кейін Елдос Сметов жарыстарға қатысқан жоқ. Себебі ол біраз уақытын Ұлыбританияда өткізген. Мұнда ағылшын тілін үйреніп, тұлғалық дамуға мән берген.