Қуат Хамитов октагонға қайта оралатынын мәлімдеді: Қолында төрт ұсыныс бар
Танымал қазақстандық ММА жекпе-жек шебері Қуат "Найман" Хамитов жақын уақытта октагонға қайта шығуы мүмкін екенін мәлімдеді.
Аты шулы файтердің үлкен спортқа оралуы
Instagram парақшасында жарияланған жазбасында Қуат Хамитов бірнеше ұсыныс алғанын және белсенді жекпе-жектерге дайын екенін атап өтті.
"Екі айда төрт рет жекпе-жекке шығу керек екенін түсінгендегі түрім.
Қазір қолымда қыркүйек-қараша айларына арналған төрт жақсы ұсыныс бар", – деп жазды Хамитов.
Соңғы жекпе-жек: бокс ережесіндегі дебют және жеңіс
Қуат Хамитовтың соңғы кездесуі 2024 жылдың қыркүйек айында өтті. Бұл жолы ол ММА емес, бокс ережесі бойынша жұдырықтасып, қарсыласы — Нұрберген Шәріповпен алты раундқа созылған жекпе-жекте төрешілердің шешімімен жеңіске жетті.
Бұл жекпе-жек Хамитовтың бокс ережелеріндегі алғашқы дебюті болды. Жекпе-жек нәтижесінде Қуат WBC Allstars арнайы белбеуін иеленді.
ММА-дағы соңғы нәтиже — Александр Шлеменкодан жеңіліс
Бұған дейін, 2024 жылдың мамыр айында Қуат ресейлік танымал ардагер Александр Шлеменкомен (66-15-1) кездескен. Алайда бұл жолы қазақстандық спортшы төрегілердің бірауызды шешімімен жеңіліп қалды.