Қазақстандық танымал файтер шетелдегі алғашқы жекпе-жегінде жеңіліп қалды

Жекпе-жек нәтижесі

Инчхон қаласында ұйымдастырылған Black Combat 15 турнирінде Руслан Сәриев (16-4) қырғызстандық файтер Данияр Тойчубек уулына (11-0) есе жіберді.

Кездесудің басты ерекшелігі – Сәриев салмақ өлшеу рәсімінде ережені бұзып, 4,2 кг артық шыққан. Осыған байланысты ұйым арнайы регламент енгізді:

• Егер Сәриев мерзімінен бұрын жеңсе – жекпе-жек жойылған болып есептелетін еді (No Contest).
• Егер айқас толық өтсе – шешім автоматты түрде Тойчубек уулына берілетін болды.

Яғни, бұл жекпе-жекте қазақстандық спортшының жеңіске жету мүмкіндігі болмаған.

Тойчубек уулының рекорды

Қырғызстандық файтер бұл жеңіспен өзінің ММА-дағы 11-ші қатарынан жеңісін тіркеді.

АСА ұйымындағы рекорды – 6-0;

Барлық жекпе-жектерін әлі күнге дейін ең жеңіл салмақта өткізген;

Кореялық промоушендегі бұл дебюті жеңіл салмақта өтуі тиіс еді.