Қазақстандық боксшы Елдана Тәліпова Англияның Ливерпуль қаласында өтіп жатқан бокстан әлем чемпионатының ширек финалында шаршы алаңға шықты.
+80 келі салмақ дәрежесінде өнер көрсеткен қазақстандық спортшы Жаңа Зеландия өкілі Селин Элин Дэниел Ли-Ломен кездесіп, төрешілердің бөлек шешімімен жеңіске жетті.
Бұл жеңістің арқасында Елдана Тәліпова турнирдің жартылай финалына жолдама алып, өзіне кем дегенде қола медаль қамтамасыз етті. Ал оның қарсыласы жүлдесіз жарысты аяқтады.
Бұған дейін жартылай финалға Виктория Графеева (60 кг) мен Наталья Богданова (70 кг) жолдама алған.