Келесі жекпе-жегін Шавкат 2026 жылы өткізеді.
Қазақстандық UFC жауынгері Шавкат Рахмонов ресейлік Ислам Махачев пен жартылай орта салмақтағы UFC чемпионы австралиялық Джек Делла Маддалена арасындағы кездесу жеңімпімен титулдық жекпе-жек өткізуі мүмкін.
«Шавкат Рахмонов әлеуметтік желіде 2026 жылдың басында октагонға оралуды жоспарлап отырғанын айтты.
„Құдай қаласа, қаңтарда немесе ақпанда“, – деді ол. Үлкен ықтималдықпен ол Джек Делла Маддалена — Ислам Махачев жекпе-жегінің жеңімпазымен кездеседі. Бұл кездесу UFC 324 турнирінде өтеді, онда сонымен қатар Илия Топурия мен Джастин Гэтжи де өнер көрсетеді.
Paramount арнасында өтетін алғашқы UFC 324 турнирі ауқымды шоу болмақ», — деп жазады америкалық Instagram-аккаунт Sparrwars.
Айта кетейік, Рахмонов UFC-дегі соңғы жекпе-жегін өткен жылдың желтоқсанында UFC 310 турнирінде өткізіп, ирландиялық Иэн Гэрриді жеңген болатын. Осыдан кейін қазақстандық спортшы денсаулық мәселелеріне байланысты октагонға шыққан жоқ.