Қазақстан әйелдер боксы құрамасының мүшелері Виктория Графеева мен Наталья Богданова екі бәсекелес ұйым — IBA мен World Boxing өткізген әлем чемпионаттарын салыстырды.
IBA нұсқасы бойынша әйелдер арасындағы 2025 жылғы әлем чемпионаты наурыз айында Сербияның Ниш қаласында өтті. Онда Графеева күміс медаль, ал Богданова қола медаль иегері атанды. Ал қыркүйекте World Boxing ұйымы өткізген әлем біріншілігі Англияның Ливерпуль қаласында ұйымдастырылды. Бұл жолы Наталья чемпион атанса, Виктория қола жүлдені жеңіп алды.
— Біз Сербияда өткен әлем чемпионатының тақырыбына аздап тоқталдық. Айтыңызшы, екі турнирдің басты айырмашылығы неде?
"Ұйымдастыруда. IBA мен World Boxing турнирлерін ұйымдастыру деңгейі әртүрлі. Сондай-ақ қатысушылар да өзгеше", — деді Графеева.
— Қайсысы жақсырақ?
"World Boxing. Онда бәсекелестік жоғары және ұйымдастыру (деңгейі) жақсырақ, — деп мойындады Богданова.