БАӘ-де Халықаралық бокс қауымдастығы (IBA) ұйымдастырған 2025 жылғы әлем чемпионатында Даниял Сәбит сенімді жеңіске жетті.
51 келіге дейінгі салмақта Даниял Сәбит Кабо-Верде елінің өкілі Леник Фернандеске қарсылас болды.
Жекпе-жек басталған сәттен-ақ Сәбит рингтегі жағдайды өз қолына алды. Ол қашықтықты жақсы сезініп, қарсыласына шабуылын дамытуға мүмкіндік берген жоқ.
Қазақстандық боксшының дәл де техникалық соққылары, темпті бақылауы мен тактикалық артықшылығы раундтан раундқа айқын көрініп тұрды.
Үш раунд қорытындысы бойынша қазылар алқасы бірауыздан шешім шығарып, жеңісті Даниял Сәбитке берді — 5:0.
Осылайша ол әлем чемпионатының келесі кезеңіне жолдама алып, жүлдеге жақындады.