Оразбек Асылқұлов Дубайда (БАӘ) өтіп жатқан IBA нұсқасындағы бокстан әлем чемпионаты-2025 турнирінде ширек финалдық жекпе-жегін өткізді.
Асылқұлов жартылай финалға шығу үшін Испания өкілі Карлос Мартинес Бернандомен кездесті. Үш раунд қорытындысы бойынша қазақ боксшысы төрешілердің бірауыздан шығарған шешімімен жеңіске жетті.
Осы нәтижемен Оразбек Асылқұлов кемінде қола медальді (жартылай финалға шығу арқылы) алдын ала қамтамасыз етті.
Оразбек Асылқұлов бұған дейін 2024 жылғы Азия чемпионатының күміс жүлдегері атанған. Ал ӘЧ-2025 турнирінің 1/8 финалында Эсватини боксшысы Мукело Дламиниді жекпе-жектің 22-секундында әсерлі нокаутпен жеңіп, көпшіліктің назарын аударған.