Топуриямен болған айқастан соң қазақстандық файтерді допингке тексерді

Қазақстандық UFC файтері, жеңіл салмақта өнер көрсететін Бекзат Алмахан кезекті допинг-тесттен өтті. 

UFC Drug Testing Watch әлеуметтік желідегі аккаунтының мәліметінше, Алмахан өткен аптада допинг-сынама тапсырған. Бұл — оның 2025 жылғы алтыншы тексерісі. Аталған аккаунт UFC ростеріндегі файтерлердің допинг-бақылауын тұрақты түрде қадағалап отырады.

Соңғы жекпе-жек

Еске сала кетейік, «Тұран жауынгері» лақап атымен танылған Бекзат Алмахан соңғы жекпе-жегін 22 қарашада өткізді. Айқас Дохада (Қатар) өтіп, қазақстандық файтер төрешілердің бірауыздан шешімімен Александр Топурияға жол берді. Бұл жекпе-жек Бекзат Алмахан үшін 2025 жылғы екінші кездесу болды.

Айта кетейік, Александр Топурия — UFC чемпионы Илия Топурияның інісі.