Жалғас Жұмағұлов Асу Алмабаевтың орнына шыққысы келетінін мәлімдеді
Бүгін таңертең Асу Алмабаевтың қолын жарақаттап алғанына байланысты Брэндон Мореноға қарсы жекпе-жек өтпейтіні мәлім болды.
Қазақстандық ММА жауынгері Жалғас Жұмағұлов UFC Fight Night 268 турнирінің басты жекпе-жегінде мексикалық Брэндон Мореномен айқасуы тиіс Асу Алмабаевтың орнына шығуға дайын екенін мәлімдеді.
Алмабаев пен UFC-дің бұрынғы чемпионы Морено 1 наурызда Мехикода (Мексика) жекпе-жек өткізуі керек болған, алайда Асу қолын сындырып алуына байланысты кездесуден бас тартуға мәжбүр болды.
X әлеуметтік желісінде Жалғас бұл жекпе-жекті қабылдауға және осылайша әлемдегі ең мықты ММА лигасына қайта оралуға дайын екенін жазды:
"Егер ауыстыру керек болса, мен дайынмын. Тәжірибелі, тыңғылықты дайындалған және “ашпын”", — деп жазды "Жако".
Айта кетейік, қазіргі таңда Жалғас Жұмағұлов чех-словактық Oktagon MMA промоушенінде өнер көрсетіп жүр және наилегчай салмақ дәрежесінде чемпиондық белбеудің иегері. Сонымен қатар, Ақтөбе қаласының өкілі UFC-пен қайта келісімшартқа отыруды қалайтынын бірнеше рет айтқан.