Махмұд Сабырхан әлем чемпионын мерзімінен бұрын тізе бүктірді

"Алтын" тағдыры ерте шешілді

Сабырхан 55 келіге дейінгі салмақ дәрежесінің финалында Англия өкілі, әлем чемпионы Эллис Троубриджбен жұдырықтасты. Жекпе-жек екінші раундтың басында мерзімінен бұрын тоқтатылды. Ағылшын боксшысының қабағы жарылып, дәрігерлер кездесуді жалғастыруға тыйым салды. Осылайша Махмұд Сабырхан турнирдің алтын медалін иеленді.

Сабырханның басты жетістіктері

Махмұд Сабырхан — Қазақстан құрамасының ең беделді әрі тұрақты нәтиже көрсетіп жүрген боксшыларының бірі. Оның қоржынында:

• Ташкенттегі (Өзбекстан) 2023 жылғы әлем чемпионатының алтыны;
• Ливерпульдегі World Boxing 2025 әлем чемпионатының алтыны;
• Белградтағы (Сербия) әлем чемпионатының күмісі бар.
• Сондай-ақ ол 2022 және 2024 жылдардағы Азия чемпионаттарында алтын және күміс жүлделерді жеңіп алған.

Эллис Троубридж — World Boxing 2025 (Ливерпуль) әлем чемпионы. Бұдан бөлек Ұлыбритания біріншіліктерінде де бірнеше рет топ жарған.