Назым Қызайбай Қазақстанға оралады
Қазақстан әйелдер құрамасының капитаны Назым Қызайбай АҚШ-та өткен оқу-жаттығу жиынынан кейін елге оралатынын хабарлады.
АҚШ-тағы оқу-жаттығу жиыны қалай өтті?
Боксшы өзінің Instagram парақшасында АҚШ-тағы ұлттық құраманың бірлескен оқу-жаттығу жиынынан фотоколлаж жариялады. Жаттығулар Олимпиадалық дайындық базасында Колорадо-Спрингс қаласында өткен.
"Бүгін қорытынды спаррингтер өтті. Бірлескен оқу-жаттығу жиыны өте жоғары деңгейде ұйымдастырылды. Жақсы жұмыс атқардық. Алдағы бір-екі күнде елге оралып, дайындықты Қазақстанда жалғастырамыз", – деп жазды Назым Қызайбай.
Екі аптаға созылған халықаралық ОЖЖ
Айта кетейік, Қазақстан әйелдер құрамасы АҚШ-та екі аптаға созылған халықаралық оқу-жаттығу жиынын өткізді. Жиын кеше ресми түрде аяқталды.
Бұл дайындыққа Назым Қызайбаймен қатар, ұлттық құраманың жетекші боксшылары да қатысты:
- Алуа Балқыбекова (51 кг)
- Аида Әбікеева (65 кг)
- Наталья Богданова (70 кг)
Ұлттық құрама елге оралғаннан кейін дайындық процесін Қазақстанда жалғастырып, алдағы халықаралық жарыстарға тыңғылықты дайындалмақ.