Айбек Оралбайдың басты қарсыласы Дана Уайттың қарамағына өтті

Кімдер Zuffa Boxing-пен келісімшартқа отырды? 

Olamsport мәліметінше, Zuffa Boxing-пен келісімшартқа:

• Отабек Холматов — WBA тұжырымы бойынша жартылай жеңіл салмақта белбеуге бұрын үміткер болған;
• Джахонгир Зокиров — кәсіпқой бокста дебют жасап үлгерген, қазақстандық жанкүйерлерге жақсы таныс есім;
• Рахматулло Бойматов — Өзбекстанның қазіргі чемпионы қол қойған.

Инстаграмдағы ақпаратта үш боксшының алғашқы жекпе-жектерінің нақты күні әзірге белгісіз екені айтылған. Дегенмен үшеуі де қазір АҚШ-та жаттығу процесін өткізіп жүр.

Зокиров Қазақстан жанкүйерлеріне таныс

Үш боксшының ішінде қазақстандық аудиторияға ең белгілісі — Джахонгир Зокиров. Ол спорттық ортада "Джалоловтың мұрагері" деген лақап атпен де аталады (мұнда екі дүркін Олимпиада чемпионына меңзеу жасалады).

Ең маңыздысы — Зокиров Қазақстан құрамасының капитаны Айбек Оралбайдың принципті қарсыласы саналады.

2025 жылы қос мықты бірнеше ірі турнирде кездескен:

• Странджа кубогы (София, Болгария): Зокиров Оралбайды жеңіп, кейін чемпиондыққа дейін барған.
• World Boxing әлем чемпионаты (Ливерпуль, Англия): бұл жолы финалда Айбек Оралбай Зокировтан басым түсті.

Zuffa Boxing-ке ауысу Зокировтың мансабын жаңа деңгейге шығарып қана қоймай, болашақта Қазақстан мен Өзбекстан боксы арасындағы бәсекені одан әрі қыздыра түсуі мүмкін.