Болгарияның София қаласында өтіп жатқан "Странджа" халықаралық турнирінде отандық қос боксшы жартылай финалда жолықты.
Әйелдер арасындағы 54 келіге дейінгі салмақ дәрежесінде Әнел Сақыш пен Элина Базарова финал жолдамасын сарапқа салды. Жекпе-жек қорытындысында Базарова төрешілердің бөлек шешімімен жеңіске жетті — 3:2.
Осылайша Элина Базарова турнирдің финалына шығып, алтын жүлде үшін жұдырықтасатын болды. Ал Сақыш “Странджа” жарысын қола медальмен аяқтады.
Қазақстаннан бүгін тағы алты боксшы жартылай финалда шаршы алаңға шығады. Сондай-ақ жеребе қорытындысы бойынша Қазақстан құрамасы алдын ала бір финалистке ие болды. 80 кг салмақта Надежда Рябец алтын үшін бақ сынайды