Қазақ боксшысы Бангкокте тағы бір "алтынды" жұлып әкетті (ВИДЕО)

Қырғыз боксшысына қарсы финал

Бибарыс Әшірбай 70 келіге дейінгі салмақ дәрежесінде қырғызстандық Ахмади Арвазға қарсы тұрды. Финалдық жекпе-жек тартысты өтіп, екі боксшы да жоғары деңгейдегі дайындықтарын көрсетті.

Кездесу қорытындысында төрешілер жеңісті қазақстандық былғары қолғап шеберіне 3:2 есебімен берді.

Осылайша Әшірбай Қазақстан құрамасына турнирдегі кезекті алтын медальді әперді. Ал қырғызстандық Ахмади Арваз жарысты күміс жүлдегер ретінде аяқтады.

Қазақстан құрамасы финалда сенімді өнер көрсетіп жатыр

Айта кетейік, Futures Cup U-19 турнирінің финалында Қазақстан намысын сегіз боксшы қорғап жатыр. Бұған дейін ел қоржынына алтын медальді:

• Айдана Убайдуллақызы — 80 келіге дейінгі салмақта
• Досжан Жұмақан — 60 келіге дейінгі салмақта
• Хамза Мақсатұлы — 75 келіге дейінгі салмақта салған.

Бибарыс Әшірбайдың жеңісінен кейін Қазақстанның турнирдегі алтын медаль саны төртеуге жетті.