Қазақстандық боксшылар Өзбекстан құрамасымен жаттығу жиынын бастады
Наурыздың соңында ұлттық құрамалар Азия чемпионатына қатысады.
Бокстан Қазақстан ерлер құрамасы Азия чемпионаты-2026 қарсаңында халықаралық оқу-жаттығу жиынын бастады. Ол Түркістан облысындағы "Алматау" спорт базасында өтіп жатыр.
Жиынға бес елдің құрамасы қатысуда
Қазақстан құрамасымен бірге оқу-жаттығу жиынына тағы төрт елдің боксшылары қатысып жатыр:
- Өзбекстан
- Түрікменстан
- Түркия
- Германия
ҚФБ мәліметінше, оқу-жаттығу жиыны барысында:
- жалпы физикалық дайындық
- техникалық машықтарды жетілдіру
- спаррингтік кездесулер баса мән беріледі.
Жаттығу барысынан түсірілген бейнежазбадан әлем чемпиондары, Азия чемпиондары мен Олимпиада жүлдегерлерін байқауға болады.
Айта кетейік, World Boxing ұйымының алғашқы Азия чемпионаты 30 наурыз — 10 сәуір аралығында Моңғолияның Ұлан-Батыр қаласында өтеді.
Жарнама
Жарнама